ዘላለም (Zelalem) - ሐምሌት ፡ በልጁን

እኔ ፡ ምን ፡ ሕይወት ፡ አለኝ? ከሰጠኸኝ ፡ ሌላ?አሃ እኔ ፡ ምን ፡ ታሪክ ፡ አለኝ? ከሆንህልኝ ፡ ሌላ? እኔ ፡ ምን ፡ ትምክህት ፡ አለኝ? ከመስቀልህ ፡ ሌላ! አሃ ካንተ ፡ ውጭ ፡ ምን ፡ ተስፋ ፡ አለኝ? ከእንግዲህ ፡ በኋላ! ታሪኬን ፡ ለመንገር ፡ ብጀምር፣ ምን ፡ አለ ፡ ምሕረትህ ፡ ከጻፈው ፡ በቀር ፡ የሚነገር፣ ቀለም ፡ አልባ ፡ ሕይወቴን ፡ ይቅርታህ ፡ አቅልሞ፣ ሰማያዊ ፡ አ’ረገው ፡ በደም ፡ አትሞ፣ ጣዕም ፡ አልባ ፡ ሕይወቴን ፡ ፍቅርህ ፡ ቀምሞ፣ ጣፋጭ ፡ አደረገው ፡ የሚተርፍ ፡ ደሞ። ያለሁት ፡ በምሕረትህ፣ የሚያኖረኝ ፡ ችሮታህ፣ ይሄ ፡ ነው ፡ ታሪኬ ፡ ይመሰገን ፡ ስምህ፤ ሽረኸው ፡ ባርነቴን፣ ዐወጅኸው ፡ ነጻነቴን፣ ይሄ ፡ ነው ፡ ታሪኬ ፡ ይመሰገን ፡ ስምህ። ስርዝ ፡ ድልዝ ፡ ነበር ፡ የተሞነጫጨረው፣ ጨለማዬን ፡ ገፍፈህ ፡ በብርሃን ፡ እስክትጽፈው፣ ስታትመው ፡ ስሜን ፡ በዘላለም ፡ መዝገብ፣ ያን ፡ ጊዜ ፡ ታሪኬ ፡ ጀመረ ፡ መነበብ። ያለሁት ፡ በምሕረትህ፣ የሚያኖረኝ ፡ ችሮታህ፣ ይሄ ፡ ነው ፡ ታሪኬ ፡ ይመስገን ፡ ስምህ፤ አስዋብከው ፡ አድራሻዬን፣ ቀይረህ ፡ ፍለጋዬን፣ ይሄ ፡ ነው ፡ ታሪኬ ፡ ይመስገን ፡ ስምህ። ከእንግዲህ ፡ ምኖረው ፡ የእኔ ፡ ሕይወት፣ በእግዚአብሔር ፡ ልጅ ፡ ላይ ፡ ባለኝ ፡ እምነት፣ ለወደደኝ ፡ ራሱን ፡ ለሰጠኝ፣ ለዓለም ፡ ሞቼ ፡ ለእ’ሱ ፡ ሕያው ፡ ነኝ። ኢየሱስ (*6) የኔ ፡ ታሪክ ፡ የኔ ፡ ሕይወት