እጠብቅለሁ (Etebkhalew) - ሐምሌት ፡ በልጁን

የሙጥኝ ፡ ብዬ ፡ ናልኝ ፡ ባልኩህ ፡ ጉዳይ፣  “በስፍራሽ ፡ ጠብቂኝ ፡ እመጣለሁ” ባልከኝ፥ እኔ ፡ ያሰመርኩት ፡ የቆረጥሁት ፡ ቀን ፡ ቢያልፍ፣ ስፍራዬን ፡ ለቅቄ ፡ እንዳንተላለፍ፣ ትናንት ፡ ያ’ረግኸውን ፡ ታማኝነትህን፣ እጠብቃለሁ ፡ አስቤ ፡ እውነትህን፣ ታግሼ ፡ እውነትህን። እጠብቅሀለሁ ፡ በስፍራዬ፣ እስክትመጣ ፡ ጌታዬ፣ እጠብቅሀለሁ ፡ ሳልላወስ፣ ጊዜህን ፡ በመታገሥ። “ዘርህን ፡ አበዛለሁ ፡ እንደ ፡ ሰማይ ፡ ከዋክብት፣ ተብለህ ፡ ትጠራለህ ፡ የአሕዛብ ፡ ሁሉ ፡ አባት” ያልከው ፡ ቃል ፡ ቢዘገይ እስኪመስል ፡ የተረሳ፣ ወደ ፡ አጋር ፡ ገባ ፡ በእስማኤል ፡ ሊወሳ፣ ተስፋውን ፡ ሊጨብጥ ፡ በገዛ ፡ መንገዱ፣ ይስሐቅን ፡ ለማቀፍ ፡ ባቋራጭ ፡ ቢሄዱ፣ ከባሪያዪቱ ፡ አይደል ፡ የቃልኪዳን ፡ ልጅ፣ እግዚአብሔር ፡ ካየው ፡ ከነጻዪቱ ፡ እንጂ። በሰው ፡ ቀመር ፡ አይደል ፡ ምትመጣ ፡ ያንተ ፡ እጅ አንተ ፡ በወደድከው ፡ ባንተው ፡ ሰዓት ፡ እንጂ እንድጠብቅ ፡ ነቅቼ ፡ ተዘጋጅቼ፣ እንዳያዝንብኝ ፡ ልቤ ፡ እምነቴን ፡ አንግቤ፣ ጸጋህ ፡ ይርዳኝ ፡ እንድጸና ፡ እኔ ፡ የድርሻዬን፣ ሰማይ ፡ ምድር ፡ ቢያልፉ ፡ ይቀልላል፣ አንተማ ፡ ከምታጥፍ ፡ ቃልህን። እግዚአብሔር ፡ ቃሉን ፡ አያጥፍም፤ ይዋሽ ፡ ዘንድ ፡ ሰው ፡ አይደለም፤ ይመጣል ፡ እመጣለሁ ፡ ካለ፣ ዙሪያዬ ፡ ቢለኝ “የታለ?” የተሰወርሁ ፡ አይደለሁም ፡ ከዐይኑ፣ አላለፈም ፡ የፍርዴም ፡ ሚዛኑ፣ በከንቱ ፡ አይደል ፡ ጥበቃዬ፣ ሁሉን ፡ መልካም ፡ ያደርጋል ፡ ጌታዬ። ነገዬን ፡ ሳቅ ፡ ያደርጋል ፡ ጌታዬ። እጠብቅሀለሁ ፡ በምስጋና ፡ ትመጣለህና፣ እጠብቅሀለሁ ፡ በደስታ ፡ ታማኝ ፡ የኔ ፡ ጌታ፤