እነግርሃለሁ (Enegrehalehu) - ሐምሌት ፡ በልጁን

ማንም ፡ ሳይነግርህ ፡ ሁሉን ፡ ብታውቅም፣ በልቤ ፡ ያለውን ፡ ከአንተ ፡ አልደብቅም። ማንም ፡ ሳይጠቁምህ ፡ ሁሉን ፡ ብታይም፣ የውስጤን ፡ እኔን ፡ ከአንተ ፡ አልሰውርም። ያየኸውን ፡ አሳይሃለሁ፤ ያወቅኸውን ፡ እነግርሃለሁ፤ ሸክሜ ፡ የሚቀለው ፡ ከእግርህ ፡ በታች ፡ ነው፤ ለአንተ ፡ ያሳየሁት ፡ ሁሉ ፡ መላ ፡ አለው፤ ላዬ ፡ ዝም ፡ ብሎ ፡ ውስጤ ፡ ግን ፡ ሲዋትት፣ ማንም ፡ ልብ ፡ እማይለው ፡ በሹክሹክታ ፡ ዐይነት፣ የውስጤን ፡ በውስጤ ፡ ነግሬህ ፡ በብርቱ፣ ሁሉ ፡ ደኅና ፡ ሆነ ፡ ሲደርስ ፡ ሰዓቱ። ለአንተ ፡ ስነግር ፡ ይቀለኛል፤ ከአንተ ፡ መማከር ፡ ይቀናኛል፤ ከአኔ ፡ እኩል ፡ አታይ ፡ የሕይወቴን ፡ ክስተት፣ ሁሉ ፡ ራቁት ፡ ነው፤ ግልጽ ፡ ነው ፡ በአንተ ፡ ፊት። እያየኸው ፡ አሳይሃለሁ፤ ያወቅከው ፡ እነግርሃለሁ፤ ሸክሜ ፡ የሚቀለው ፡ ከእግርህ ፡ በታች ፡ ነው፤ ለአንተ ፡ የሰጠሁት ፡ ሁሉ ፡ መውጫ ፡ አለው። ፊትህ ፡ እሆናለሁ ፡ የሆንሁትን፣ ጭንብል ፡ አላጠልቅ ፡ ማስመሰልን፣ ቀድሞም ፡ ዐይንህ ፡ ቃላቴን ፡ ዘልቆ፣ ይመረምራል ፡ የልቤን ፡ ጠልቆ። የጓዳዬ ፡ ምስጢረኛዬ  የምትሰማኝ ‘ምታደምጠኝ  ‘ምትረዳኝ፣ ‘ምትረዳኝ። ነገሬን ፡ እግርህስር ፡ አምጥቼ ፡ እጥላለሁ ላንተ ፡ የነገርኩ ፡ እለት ፡ ፈውሴን ፡ አገኛለሁ። የማላሳይህ፣ የማላዋይህ፣ ‘ማላማክርህ፣ የማልነግርህ ጉዳይ ፡ አለኝ ፡ ወይ? የልቤ ፡ አምላክ ፡ ሆይ፤ ቅሩብ ፡ ለነፍሴ፣ ምን ፡ ነገር ፡ አለ ፡ የማስቀረው ፡ ብዬ ፡ በራሴ? (*2)