ያዘው (Yazew) - ሐምሌት ፡ በልጁን

ጉዳዬን ፡ ይዤ ፡ ስንበረከክ ብዬ (እንደ ፡ ፈቃድህ)*2 ገና ፡ ጉልበቴ ፡ ደጅ ፡ ሳይጠና የልቤ ፡ ሀሳብ ፡ በፊትህ ፡ ይቅና። ለምን ፡ መልሴን ፡ ናፈቅሁ? ለምን ፡ መቀበል? ለምን ፡ የሙጥኝ ፡ አልሁ? ለምን ፡ መታገል? መርምር ፡ ፍላጎቴን ፡ የውስጤን ፡ መሻት፣ ታውቀዋለህና ፡ የልቤን ፡ እውነት። የነፍሴ ፡ ንግግር ፡ የሚገባህ ፡ አንተ፣ ስንት ፡ ጸሎቴን ፡ መለስህ? እርማትን ፡ ሰጥተህ፤  እኔ ፡ እንኳን ፡ ያልገባኝ ፡ የውስጥ ፡ መሻቴ  ላንተ ፡ ጠርቶ ፡ ይታያል ፡ ግልጽ ፡ ነው ፡ አባቴ ዐሥር ፡ ነበሩ ፡ አብዝተው ፡ የጮኹ፣ ፈውስ ፡ ፍለጋ ፡ የተማጠኑ፣ ምሕረት ፡ አግንነህ ፡ ብትለመናቸው፣ መልሳቸው ፡ ዘጠኙን ፡ ካንተ ፡ አራቃቸው። ከማይመልሰኝ ፡ ከእግርህ ፡ ሥር ደጅ ፡ ከሚያስቀር ፡ ከሚያባዝን የቱም ፡ መሻቴን ፡ ሳትሰጠኝ ፡ ያዘው ከመልሴ ፡ ይልቅ ‘ምሻው ፡ አንተን ፡ ነው። በጎ ፡ መልካም ፡ ፈቃድህ፣ ይሁን ፡ በኔ ‘ሚያከብርህ ይህን ፡ ብቻ ‘ፈልጋለሁ ፡ ይሁን ፡ ያልከውን ፡ አሜን ፡ እላለሁ መና ፡ አብልተህ ፡ ሥጋ ፡ ብለው ፡ የጮኹት ጽኑ ፡ ልቅሶአቸው ፡ ውስጥ ፡ እጅህን ፡ ነው ፡ የናቁት ስለ ፡ ንዝነዛቸው ፡ መሻታቸውን ፡ ሞላህ  ተቆጥተሃቸው ፡ አምጣ ፡ ያሉህን ፡ ሰጠህ ገና ፡ ሳይወርድ ፡ ከጉሮሯቸው ስንቶች ፡ አለቁ ፡ በገዛ ፡ አምሮታቸው! ፈቃድህ ፡ ካልሆነው ፡ ከሚያጠፋኝ ፡ መሻት ልቤ ፡ አያዘንብል ፡ ነፍሴ ፡ አትጎራበት። ስንት ፡ ጸሎት ፡ አለ ፡ ጸሎት ‘ሚያስፈልገው! ስንት ፡ መሻት ፡ አለ ፡ ልጓምን ፡ የሚያሻው ያዘው ፡ ያዘው ‘ማያከብርህን ፡ ምላሼን ፡ ያዘው። መሻቴን ፡ ሞልተህ ፡ ከምትሄድብኝ፤ ሁሉም ፡ ይቅርብኝ ፡ ያዘው። ያዘው ፡ ያዘው ፡ ከሕይወት ፡ ከምጎ’ል ካንተ ፡ ከምለይ ፡ ምላሼን ፡ ያዘው፤ በጄ ፡ አይግባ ፡ ካንተ ፡ ልስማማ፤ ሁሉም ፡ ይቅርብኝ ፡ ያዘው።