አመልከዋለሁ (Amelkewalew) - ሐምሌት ፡ በልጁን

ያወቅሁት ፡ እውነት ፡ ነጻ ፡ አውጥቶኛል፤ ልቤን ፡ አስከንድቶ ፡ በእምነት ፡ ያኖረኛል፤ ገብቶኛል ፡ የዘላለም ፡ ፍቅሩ፣ ተስፋ ፡ አለኝ ፡ ልካፈል ፡ ከክብሩ። አንዳንድ ፡ መንገዶቹ ፡ ባይገቡኝ፣ ባልገነዘበው ፡ ባይመስሉኝ፣ ለጊዜው ፡ መልስ ፡ ባጣ ፡ ባይብራራልኝ፣ ጨርሼ ፡ አላውቀው ፡ ረቂቅ ፡ እግዚአብሔር፣ ግን ፡ አያናጋውም ፡ የእምነቴን ፡ ማገር። ቀድሞንስ ፡ የምሸመድደው፣ ምኑን ፡ አምላክ ፡ ሊሆን ፡ መግቢያ ፡ መውጫውን ‘ማውቀዉ? ግን ፡ ሳይለዋወጥ ፡ ማልዶ ፡ አዲስ ፡ እግዚአብሔር፣ ይህ ፡ ነው ፡ በመደነቅ ‘ሚያመጣኝ ፡ ከእግሩ ፡ ሥር። አመልከዋለሁ ፡ ተደስቼ፣ አምላክ ፡ በሆነኝ ፡ በእርሱ ፡ ረክቼ። አሃ አመልከዋለሁ ፡ ሳላቅማማ፣ እውነት ፡ ከእርሱ ፡ ወዲያ ፡ ሌላ ፡ የለማ! እንድረዳው ፡ እንጂ ፡ እንደኔ ፡ ያከለው፣ ልኩ ፡ ሰው ፡ አይደለም፤ አምላኬ ፡ ትልቅ ፡ ነው። ሰማይ ፡ ዙፋኑ፣ መርገጫው ፡ ምድር፣ ሙሉ ፡ ራሱን ፡ ቢገልጥ ፡ ማን ፡ ይገባው ፡ ነበር?  “እርሱ ፡ ይህ ፡ ነው” የሚል ፡ አጥንቶ ፡ መርምሮ፣ ማን ፡ ተገኝቶ ፡ ያውቃል ፡ ከእጁ ፡ ሥራ ፡ አእምሮ? በስሌት ፡ በቀመር ፡ ማንም ፡ አያገኘው፣ ራሱን ፡ ባይገልጥልን ፡ ሰው ፡ አይደርስበትም አመልከዋለሁ ፡ ተደንቄ፣ ጨርሼ ፡ ስለርሱ ፡ እንደማላውቅ ፡ አውቄ፤ አሃ አመልከዋለሁ ፡ እጄን ፡ ባፌ ፡ ጭኜ፣ ከመታወቅ ፡ የሚያልፍ ፡ መሆኑን ፡ አምኜ። ያሁን ፡ በድንግዝግዝ ፡ ጥቂት ፡ ዕይታዬ፣ ፍጹሙ ፡ ሲመጣ ፡ ይጠራል ፡ ብዥታዬ። ዛሬ ፡ እንደ ፡ ብልጭታ ፡ ጥቂቱ ፡ ዕይታ፣ ፍጹሙ ፡ ሲመጣ ፡ ይሆናል ፡ ወገግታ። አመልከዋለሁ ፡ ተደስቼ፣ አምላክ ፡ በሆነኝ ፡ በእርሱ ፡ ረክቼ። አሃ አመልከዋለሁ ፡ ሳላቅማማ፣ እውነት ፡ ከእርሱ ፡ ወዲያ ፡ ሌላ ፡ የለማ!