ትውልድ ፡ አለ (Tewled Ale) - ሐምሌት ፡ በልጁን

ዘመን ፡ ሲያስብል “ድሮ ፡ ቀረ ፡ ክርስትና” ምስሉ ፡ ጠፍቶ ፡ ደብዝዞ ፡ ከትላንና፣ ሆኖ ፡ ድብልቅ ፡ ሕዝብ ፡ መልኩ ፡ ያልጠራ፣ ግስጋሴው ፡ የሚያስፈራ። ግን ፡ እግዚአብሔር ፡ ስለ ፡ ስሙ ፡ ግድ ፡ ይለዋል፤ በዘመናት ፡ ያለ ፡ ምስክር ፡ ራሱን ፡ መች ፡ ይተዋል? የቤቱ ፡ ባለቤት ፡ ርስቱን ፡ አይጥልም፤ ከተኩሎቹ ፡ መሀል ፡ በጎቹ ፡ አይጠፉትም። “ለእግዜር ፡ ትውልድ ፡ አይቅር ፡ ብለው ፡ የማሉ መሠዊያን ፡ አፍርሰው ፡ ኪዳንን ፡ የተዉ ነቢያትን ፡ አጠፉ ፡ በክፋት ፡ ዘመቻ ተስፋ ፡ ቆርጫለሁ፤ ቀርቼ ፡ እኔ ፡ ብቻ!” ኀይሉ ፡ ሁሉ ፡ ተሟጥጦ ፡ ለፈራው ፡ ኤሊያስ ከሰማያት ፡ መጣ ፡ አምላካዊ ፡ መልስ  “ቅሬታ ፡ አለኝ ፡ ከትውልዱ፣ ለባዕዳን ፡ ያልሰገዱ፣ ጉልበታቸው ፡ ያልተበላ፣  ‘ማያምራቸው ፡ ወደኋላ” እንደ ፡ አብድዩ ፡ አሉ ፡ ወገን ‘ሚያስመልጡ ፡ ትውልድ ፡ በቁርጥ ፡ ቀን እንደ ፡ ዮዳሄ ፡ አሉ ፡ አባቶች፣ የሚያወርሱ ፡ የአምላክ ፡ ሥርዐት። የቤቱ ፡ ባለቤት ፡ ርስቱን ፡ አይጥልም፤ ከተኩሎቹ ፡ መሀል ፡ በጎቹ ፡ አይጠፉትም። አለው ፡ ትውልድ ፡ ዛሬም፣ በድብልቅ ፡ ዘመን ፡ ያልተበራረዙ፣ በጠባቡ ፡ መንገድ ፡ እውነትን ፡ የያዙ፣ በሁለት ፡ ሀሳብ ‘ማያነክሱ፣ ዐመፃን ፡ እጅ ፡ ያልነሱ፣ በነፍሳቸው ፡ የቆረጡ፣ በጽድቅ ፡ ወንጌል ፡ ያልቀየጡ፣ አተኩረው ፡ ብድራትን፣ የናቁ ፡ ይህች ፡ ዓለምን፣ ተሥሎ ፡ መስቀል ፡ በልባቸው፣ የእግዜር ፡ ጠላት ፡ ጠላታቸው። አለው ፡ ዛሬም ፡ ትውልድ፣ ልገኝ ፡ እኔም ፡ ሲባል ፡ አንድ። አልቀር ፡ በትዝታ፣ አልኖርም ፡ በምኞት ትናንት ፡ የነበረው ፡ እግዚአብሔር ፡ ምን ፡ ተስኖት! ልሁን ፡ የክብር ፡ ዕቃ ፡ እንጂ ፡ ልገኝ ፡ እኔ፣ አለ ፡ ሕያው ፡ ክንዱ ፡ ዛሬም ፡ በዘመኔ። የእምነት ፡ ጋሻን ፡ አነሣለሁ የመንፈስ ፡ ሰይፍ ፡ እመዝዛለሁ  እውነት ፡ ሆኖ ፡ ዝናሬ በጽድቅ ፡ ወንጌል ፡ ጸንቶ ፡ እግሬ