የማይለወጥ (Yemaylewet) - ሐምሌት ፡ በልጁን

ዕድልን ፡ ሰጥተኸኝ ፡ ብኖር ፡ ብዙ ፡ ዘመን፣ በዕድሜዬ ፡ ማምሻ ፡ ኑሮዬ ፡ ሲመዘን፣ አንገት ‘ምደፋበት ፡ በሐፍረት ፡ የማስበው፣ ቀናት ፡ ዓመት ፡ አይኑር ፡ ታሪኬን ‘ሚያጎድፈው፤ መሻቴ ፡ በክብር ፡ ማብቃት ፡ ሩጫዬን፣ ታማኝ ፡ ባሪያ ፡ መባል፣ ከእጅህም ፡ አክሊሌን። የማይለወጥ ፡ ልመናዬ፣ የማልሽረው ፡ ጽኑ ፡ መሻቴ፣ ሁሌም ፡ በቤትህ ፡ እንድኖር፤ እርምጃዬ ፡ ፊትህ ፡ እንዲያምር። ፍፃሜዬ ፡ ፊትህ ፡ እንዲያምር። ያልተመሠረተ ፡ ጸንቶ ፡ በዐለቱ፣ ንፋስ ፡ ጎርፍ ፡ ሲመጣ ፡ አሃሃ ፡ ታላቅ ፡ ነው ፡ ውድቀቱ። እስከ ፡ መኸር ፡ ቢዘልቅ ፡ እንክርዳድ ፡ ከስንዴው፣ አይገባ ፡ ጎተራ፣ አሃሃ ፡ በእሳት ፡ መደምደሚያው። በፊትህ ፡ ጸሎቴ ፡ ሞገስ ፡ ያግኝ፤ በፍጻሜ ፡ ማማር ፡ እባክህ ፡ ባርከኝ። (*2) ድንገት ፡ ሄጄ ፡ ሄጄ ፡ ልቤ ፡ እንዳይከዳኝ፣ በሰው ፡ የጠላሁት ፡ በቤቴ ፡ እንዳይገኝ፣ የፈራሁት ፡ ያንን ፡ ሆኜው ፡ እንዳልገኝ፤ ብርታቴ ፡ ሆይ፤ አንተ ፡ የማምለጫ ፡ ዐለቴ፣ ከጸጋህስ ፡ በቀር ፡ ምን ፡ ሊሆን ፡ ትምክህቴ? (*2) ነፍሴ ፡ ስትዝል፣ ስትደክምብኝ፣ የኀጢአትን ፡ ጽዋ ፡ እንዳትጠጣብኝ፣ እስከ ፡ ሞት ፡ ታግሦ ፡ በአብ ፡ ቀኝ ፡ ያለውን፣ አስታውሳታለሁ ፡ የእምነቴን ፡ ራስ ፡ ፈጻሚው ፡ ኢየሱስን። ባክኖ ፡ እንደማይቀር ፡ ተጋድሎዬ ፡ መና፣ የአባቶች ፡ ምስክር ፡ ሆኖ ፡ እንደ ፡ ደመና፣ ያጽናናታል ፡ ነፍሴን ፡ የድል ፡ ታሪካቸው፣ በተስፋ ፡ የታገሡ ፡ ከእጁ ፡ ነው ፡ ዋጋቸው። እስክትመጣ ፡ እስካይህ፣ እስክሸለም ፡ ከእጆችህ፣ በተስፋ ፡ ቃል ፡ እጽናናለሁ፤ በጸጋህም ፡ እመካለሁ።