ስላልፈቀድክልኝ ፡ አመሰግናለሁ (Slalfekedkilign Ameseginalehu) - ኑኃሚን ፡ ተፈሪ

ለእኔ ፡ የምታስበው ፡ እግዚአብሄር ፡ መልካም ፡ ነው ለክፉ ፡ እንዳትተወኝ ፡ ይህን ፡ አውቂያለሁ ከእኔ ፡ ሀሳብ ፡ ይልቅ ፡ የአንተን ፡ እያፀናህ ዛሬ ፡ የምደርስበት ፡ መንገዴን ፡ አቀናህ ስለሆነ ፡ አንተ ፡ ያልከው እጅግ ፡ ብዙ ፡ አትርፊያለሁ አቆየኸኝ ፡ በጥበቃህ አዘለቅኸኝ ፡ በምህረትህ የለመንኳቸውን ፡ ሁሉ ፡ አልሰጠኸኝም ለገዛ ፡ ፈቃዴ ፡ ፈጽሞ ፡ አልተውከኝም መጥቶ ፡ የሚረባኝን ፡ ብቻ ፡ እያደረግህ ከፊትህ ፡ አልጠፋሁም ፡ ብዙ ፡ ነው ፡ ማዳንህ መከልከል ፡ በጊዜው ፡ ደስ ፡ ባያሰኝም በጉዳት ፡ ከሚፈስ ፡ እንባ ፡ ግን ፡ አይበልጥም ለበጎ ፡ ሆኖልኛል ፡ ዛሬ ፡ ላይ ፡ ሳስበው ስላልፈቀድክልኝ ፡ አመሰግናለሁ በሰው ፡ አይን ፡ ሲታይ ፡ እድል ፡ ከሚመስል በአጅ ፡ የገባ ፡ እለት ፡ ግን ፡ ብዙ ፡ ከሚያጎድል ረብ ፡ ከሌለው ፡ ነገር ፡ በመንገዴ ፡ ቆመህ ከስንቱ ፡ ያስመለጥከኝ ፡ አምላኬ ፡ አንተ ፡ ነህ መከልከል ፡ በጊዜው ፡ ደስ ፡ ባያሰኝም በጉዳት ፡ ከሚፈስ ፡ እንባ ፡ ግን ፡ አይበልጥም ለበጎ ፡ ሆኖልኛል ፡ ዛሬ ፡ ላይ ፡ ሳስበው ስላልፈቀድክልኝ ፡ አመሰግናለሁ