From WikiMezmur: Mezmur Lyrics
Jump to navigation
Jump to search
ልከፍለው ፡ የማልችል ፡ ነበረብኝ ፡ ዕዳ
ችግሬን ፡ ባዋየው ፡ ማን ፡ እኔን ፡ ሊረዳ
ኃጥያተኛ ፡ ብሎኝ ፡ ሁሉም ፡ ተጸየፈኝ
እንዲፈረድብኝ ፡ ጠላትም ፡ ከሰሰኝ (፪x)
ማነው ፡ የሚያድነኝ ፡ ከእንግዲህ ፡ ብዬ
ብቻዬን ፡ ሳለቅስ ፡ አገኘኝ ፡ ጌታዬ
ዕዳዬን ፡ ተወልኝ ፡ እንባዬን ፡ አበሰው
የሕይወቴን ፡ ቁስል ፡ በቁስሉ ፡ ፈወሰው (፪x)
ብዙ ፡ ኃጥያቴ ፡ ተሰርዮልኛል
አብዝቼ ፡ እንድወደው ፡ በእርግጥ ፡ ይገባኛል
ዋጋው ፡ የከበረ ፡ የሽቶ ፡ መስዋዕት
ከደስታ ፡ እንባ ፡ ጋር ፡ ምነው ፡ ባቀርብለት (፪x)
ለቅሶዬን ፡ ለደስታ ፡ እርሱ ፡ ከለወጠው
ሽቶ ፡ ላፈስለት ፡ ብልቃጡን ፡ ብሰብረው
ማነው ፡ ቅር ፡ የሚሰኝ ፡ ጌታዬን ፡ ባከብረው
ሃብቴን ፡ ብቻ ፡ ሳይሆን ፡ ሕይወቴን ፡ ብሰጠው (፪x)
ማንም ፡ በውድቀቴ ፡ ያላዘነልኝን
በምድር ፡ ላይ ፡ ፍፁም ፡ ተስፋ ፡ የሌለኝ
ሞቴን ፡ ወደ ፡ ሕይወት ፡ መለሰው ፡ ኢየሱስ
ስለፍቅርህ ፡ ብዛት ፡ ሥምህን ፡ ልቀድስ (፪x)
ማን ፡ እንዳንተ ፡ ጌታ ፡ ልብን ፡ ሊመረምር
ማን ፡ ጠልቆ ፡ ሊረዳ ፡ የሰዎችን ፡ ችግር
ዕውቀትህ ፡ የላቀ ፡ መሃሪዬ ፡ ነህ
ምሥጋናና ፡ ክብር ፡ ይሁን ፡ ለሥምህ
ይሁን ፡ ለሥምህ (፪x)
ይሁን ፡ ለሥምህ (፪x)
|
