From WikiMezmur: Mezmur Lyrics
Jump to navigation
Jump to search
በልዑል መጠጊያ ሁሉን በሚችለው
ተማምሬ አድራለሁ ከለላዬ እርሱ ነው
እኔ አልፈራም እሱን ይዤው
እኔ አልፈራም ተደግፌው
ትናንትናን ደርሶ አድኖኝ ዛሬን እንዴት እፈራለሁ
የክንዱን የሃይሉን ብርታት በአይኖቼ አይቻለሁ
እንዳልፈራ እንዳልሸበር ስሙ ለኔ ዋስ ሆኖኛል
የከበረው የጌታ ስም ጠላቶቼን መቶልኛል
ለምስኪኑ መታመኛ ለደሃ አደግ የሚራራ
ፅኑ አለት ድንቅ ጌታ ኢየሱስ ነው መደገፊያ
በአንዳች እንኳን እንዳልፈራ ድንቅ ታምር እየሰራ
ህይወቴ ሁሉ እርሱ ገዝቶ አኑሮኛል እየመራ
ሸንበቆን አይደለም እኔ የተደገፍኩት
ድንገት የሚሰበር መች ሆነ የያዝኩት
አስተማማኝ ምርኩዝ ተፈትኖ የፀና
የማዕዘኑ ራስ ድጋፌ ነውማ
አሃሃ ተደግፌሃለሁ
አሃሃ ተማምኜሃለሁ
አሃሃ በአስተማማኝ ክንድህ
አሃሃ እኔስ አርፌአለሁ
|
