From WikiMezmur: Mezmur Lyrics
Jump to navigation
Jump to search
የእግዚአብሔር ታላቅ ፍቅር በምንስ ይገለፃል
አንድያ ልጁን ለሞት እስኪሰጠው ድረስ ዓለምን እንዲሁ ወዷል
ፍቅር እጅግ ግድ ብሎት ስለ ሀጢያተኛው ሞት
በደላችንን ሁሉ በልጁ ላይ አኖረ አምነን እንድንድንበት
ለጻድቅ ሰው የሚሞት በጭንቅ ይገኝ ይሆናል
ስለ ሀጢያተኛው ታዲያ ማንስ ግድ ይለዋል
እግዚአብሔር ግን ይወደዋል
ብዙ አስከፍሎታል የታላቅ ፍቅሩ ጥልቀት
ሀጢያት አረገው ልጁን ሀጢያት ማያውቀውን
እኛ የሱ ጽድቅ እንድንሆን
በምድር ሁሉ ላይ ጻድቅ ስለታጣ
የእግዚአብሔር ፀጋ ወደ ምድር መጣ
ወንድ ሴት አላለ ድሃ ወይም ሀብታም
በኢየሱስ ለሚያምን ኩነኔ የለበትም
ብርሃን በራ በጨለማ
የነፃነት ጩኸት ተሰማ
በሞት ጥላ ለነበሩ
ተከፈተ የምህረት በሩ
ብርሃን በራ በጨለማ
የነፃነት ጩኸት ተሰማ
በሞት ጥላ ለነበሩ
ተከፈተ የምህረት በሩ
(ፍቅር ነው ፍቅር እግዚአብሔር)
(ፍቅር ነው ፍቅር እግዚአብሔር)
|
